Saturday, April 25, 2015

கடிதம் 1

அன்புள்ள ......

எப்படி இருக்கிறாய்.... உன் வாட்ஸ் அப் Status அனைத்தும் நீ நன்றாக இருப்பதாகவே தெரிவித்தன. அலைப்பேசியிலும் குறுஞ்செய்திகளிலும் உன்னிடம் பேச எனக்கு இப்போது விருப்பமில்லை. என்னைக் காயப்படுத்துவதற்கான வார்த்தைகளைத் தேடி தேடி நீ பயன்படுத்துவதும் நான் நொறுங்கிப் போவதும் வாடிக்கையாகி விட்டது. அதான் கொஞ்சம் விலகி இருக்கலாம் என்று நினைத்தேன். ஆனால் தினமும் உன்னை தேடித் தேடி உன் நினைவிலேயே இருக்கிறேன்.

தினமும் உன்னுடன் பேசுவதற்கான வார்த்தைகளைச் சேமித்து வைக்கிறேன். அவை என்னை முழுக்க ஆக்கிரமித்து அழுத்திக் கொல்கிறது. இதோ உனக்கான வார்த்தைகளைக் கடிதமாக உனக்கு அனுப்ப இருக்கிறேன்... இவை உன்னைச் சேரவே போவதில்லை என்று தெரியும். ஆனாலும் உனக்கான கடிதம் உனக்கானவை தான்....